Home Kerala സെന്‍കുമാറിന് ബിജെപിയിലേക്ക് ക്ഷണം; പലപ്രമുഖരും പാര്‍ട്ടിയുടെ വിളിക്കായി കാത്തിരിക്കുന്നുവെന്ന് ശ്രീധരന്‍ പിള്ള

സെന്‍കുമാറിന് ബിജെപിയിലേക്ക് ക്ഷണം; പലപ്രമുഖരും പാര്‍ട്ടിയുടെ വിളിക്കായി കാത്തിരിക്കുന്നുവെന്ന് ശ്രീധരന്‍ പിള്ള

1
0
SHARE

തിരുവനന്തപുരം: മുന്‍ പോലീസ് മേധാവി ടിപി സെന്‍കുമാറിന് ബിജെപിയിലേക്ക് ക്ഷണം. സെന്‍കുമാറിന് ബിജെപിയിലേക്ക് സ്വാഗതം ചെയ്യുന്നതായി ബിജെപി മുന്‍ സംസ്ഥാന അധ്യക്ഷന്‍ പിഎസ് ശ്രീധരന്‍ പിള്ള പറഞ്ഞു. ഡിജിപി സ്ഥാനത്തേക്ക് തിരിച്ചെത്താന്‍ സെന്‍കുമാര്‍ നടത്തിയ നിയമപോരാട്ടത്തെ ശ്രീധരന്‍ പിള്ള അഭിനന്ദിച്ചു.

പോലീസ് നിയമം അട്ടിമറിക്കുന്ന ഇരു മുന്നണികള്‍ക്കുമുള്ള താക്കീതാണ് സെന്‍കുമാറിന്റെ പോരാട്ടം. ചരിത്രത്തിലെന്നും സെന്‍കുമാറിന് ഒരു സവിശേഷതയുണ്ട്. നാടിനെ സേവിക്കാന്‍ ഏറ്റവും നല്ല മീഡിയം ബിജെപിയാണ്. ഇന്നല്ലെങ്കില്‍ നാളെ ഏഴ്തവണയോ എട്ട് തവണയോ എംഎല്‍എ ആയവരടക്കം ഇരുമുന്നണികളിലും പെട്ട പ്രമുഖരായ ചിലര്‍ ബിജെപിയിലേക്കെത്തും. ഞങ്ങളൊന്ന് വിളിക്കാന്‍ കാത്തുനില്‍ക്കുകയാണ് അവരെന്നും ശ്രീധരന്‍ പിള്ള പറഞ്ഞു.

കഴിഞ്ഞദിവസം ബിജെപി മുഖപത്രമായ ജന്മഭൂമിയുടെ ഒരു പരിപാടിയില്‍ പങ്കെടുത്ത സെന്‍കുമാര്‍ നടത്തിയ പരാമര്‍ശങ്ങള്‍ ഏറെ വിവാദമായിരിക്കയാണ്.

LEAVE A REPLY

Please enter your comment!
Please enter your name here